Նմանատիպ տեսանյութեր կարելի է գտնել trend, bakililar, day.az, karabakh-doc.azerall.info, justiceforkhojali.org, khojali.org, khojali.net և այլ ադրբեջանական կայքերում, որոնք «ցեղասպանություն» անունով նոր «բրենդ են» գովազդում:

Դիակներով պատված հովտի տեսարանը կարող է շոկի մեջ գցել նույնիսկ ամենապատրասված դիտողներին: Այդ նպատակով էլ նման տեսանյութերը կիրառվում են որպես ստրեսային էլեմենտ: Ընդ որում որպես Խոջալուի դեպքերի մասին նյութ ներկայացվում են 1995թ. Բալկաններում տեղի ունեցած ջարդերի լուսանկարները, որոնք ոչ մի կերպ չեն կարող վկայություն հանդիսանալ ոչ 1918թ. մարտի դեպքերի(ցեղասպանություն համար 2), ոչ Խոջալուի (ցեղասպանություն համար 3) համար:

Լուսանկարի բնօրինակը գունավոր է, սակայն, ըստ էության, ադրբեջանցի պրոպագանդիստները գլխի ընկան, որ սև-սպիտակ լուսանկարները ավելի են համապատասխանում համար 2 և 3 ցեղասպանություններին: Մնացածը տեխնիկայի գործն է. օգտագործելով ցանկացած խմբագրական ծրագիր` օրինակ photoshop, կարելի է հեշտությամբ գունազրկել լուսանկարը:

Այն, որ լուսանկարի բնօրինակը գունավոր է, ապացուցում են և գույնը, և ընդհանուր պլանը, որտեղ երևում են ոչ միայն զոհերը, այլև տեղանքի աշխարհագրական դիրքը, որը չի համապատասխանում Նախիջևանիկի լանդշաֆտին:

Ամեն դեպքում կեղծիքն առկա է:

ՄԵԿՆԱԲԱՆՈՒԹՅՈՒՆՆԵՐ