Հայերեն
English
Azəricə
Deutsch
Русский
Français


ՄԵՆՔ ՍՈՑՑԱՆՑԵՐՈՒՄ

facebook twitter youtube



ԳՈՐԾԸՆԿԵՐՆԵՐ

The Armenian Genocide Museum

Open Armenia


OLD VERSION xocali.net



Այազ Մութալիբով՝ Հոգուս մեջ ես մարդասեր եմ

Մոր պատռված փորից դուրս հանած պտուղ

Օրերս Ադրբեջանի առաջին նախագահը ռուսական հեռուստաալիքներից մեկին չափազանց հետաքրքիր հարցազրույց է տվել, որտեղ պատմվում է, թե ինչպես է երկրի անկախությունը հայտարարած առաջին նախագահը ապրում Մոսկվայի ծայրամասում գտնվող պետական բնակարանում, առանց անձնագրի և գոյատևման միջոցների:

Սովորական մի փախստական, փառավոր անցյալով և մշուշոտ ապագայով: Ադրբեջանում նախկին առաջնորդների նկատմամբ հենց այսպիսի վերաբերմունք են ցուցաբերում, երբ իշխանությունը անցնում է ուրիշների ձեռքը:

Տեսանյությում ասվում է. «Ադրբեջանում իշխող կլանը արեց ամեն ինչ, որպեսզի քաղաքացիները իրենց երկրի հիմնադիր համարեն Հեյդար Ալիևին և մոռանան, որ իրենք ունեցել են առաջին նախագահ: Արդեն 15 տարի է, ինչ Մութալլիբովը գտնվում է հետախուզման մեջ իր հայրենիքում: Հեյդար Ալիևը նրան մեղադրեց պետական հեղաշրջում կազմակերպելու համար: Մութալլիբովը հերքում է բոլոր մեղադրանքները, սակայն հայրենիք չի այցելում, որպեսզի չհայտնվի բանտում: Հայրենիքում նա համարվում է թշնամի, և նրան նույնիսկ Մոսկվայի ադրբեջանական համայնքի շարքերը չեն ընդունում»:

«Նա Մոսկվա փախավ իր հրաժարականից երկու ամիս և նախագահական պալատ վերադառնալու անհաջող փորձից երկու օր հետո: Երբ ընդդիմության զինված կողմնակիցները դուրս եկան փողոց նախագահի հրաժարականի պահանջով, Մութալլիբովը գնաց ռուսական ռազմական օդանավակայան և, լքելով ընտանիքը Բաքվում, փախավ երկրից: Այժմ նա չի սիրում խոսել այդ մասին, սակայն փաստը մնում է փաստ՝ նա գերադասեց փրկվել, և միայն մի քանի օր հետո ընկերները նրա ընտանիքը Մեքենաներով հասցնում են Դաղստան, իսկ այնտեղից՝ Մոսկվա: Այդ օրվանից նա փախստական է՝ Ռուսաստանի հյուրը, Ադրբեջանի և Հայաստանի թշնամին»:

«Խոջալուի ողբերգության ողջ բացասական լիցքերը կենտրոնացան ինձ վրա: Ես ստիպված էի ամբողջ պատասխանատվությունը վերցնել ինձ վրա, չնայած որ ոչ մի բանում մեղավոր չէի», - նշեց Մութալլիբովը իր հարցազրույցում:

Հիշեցնենք, որ 1992թ. ապրիլին «Նեզավիսիմայա գազետա» թերթում Այազ Մութալլիբովը հարցազրույց տվեց չեխ լրագրող Դանա Մազալովային, որից հետո նա դարձավ հալածանքների թիրախ իր հայրենիքում: Պատճառը առաջին նախագահի չափից դուրս անկեղծությունն էր, որը նաև նրա իմպիչմենտի առիթ հանդիսացավ: Հարցազրույցի ժամանակ պարզ դարձավ, որ Խոջալուի դեպքերի ադրբեջանական տարբերակը հենց ադրբեջանցիների կողմից լավ կազմակերպած սադրանք էր:

Ալիևների կլանը չներեց նրան այդ անկեղծության համար:

 «Նեզավիսիմայա գազետա», 2.04.92.
Այազ Մութալլիբովի չեխ լրագրող Դանա Մազալովային տված հարցազրույցից մի հատված:

Հարց՝ Ինչ եք մտածում Խոցալուի դեպքերի մասին, որոնցից հետո Դուք հրաժարական տվեցիք: Խոջալուի բնակիչների դիակները գտնվել էին Աղդամից ոչ հեռու: Ինչ որ մեկը սկզբից կրակել էր նրանց ոտքերին, որպեսզի նրանք չկարողանան փախչել: Այնուհետև գործը ավարտին էր հասցրել կացնով: Փետրվարի 29-ին իմ գործընկեները նկարահանում էին դիակները: Սակայն մարտի 2-ին նոր նկարահանումների ժամանակ դիակների գանգամաշկերը հանած էին:
Շատ տարօրինակ մի խաղ էր…

Պատասխան՝ Ինչպես նշում են Խոջալուի փրկված բնակիչները, ամեն ինչ կազմակերված է եղել իմ հրաժարականի առիթ ստեղծելու համար: Ինչ որ ուժ գործում էր  նախագահին հատուկ վարկաբեկելու ուղղությամբ: Ես չեմ կարծում, որ այսպիսի իրադրությունների ժամանակ շատ խելացի և հստակ կողմնորոշվող հայերը թույլ կտային, որպեսզի իրենց ֆաշիստական գործողությունները մերկացնող փաստաթղթերը հայտնվեին ադրբեջանցիների ձեռքերում: Կարելի է ենթադրել, որ ինչ որ մեկին ձեռնտու էր հետագայում ցույց տալ այս կադրերը զինված ուժերի նիստի ժամանակ և կենտրոնացնել ամեն ինչ իմ անձի շուրջ:

Եթե ես ասեմ, որ ամեն ինչում մեղավոր էր ընդդիմությունը, կասեն, որ ես բանբասում եմ: Սակայն հստակ կարելի է ասել, որ միջանցքը, որով մարդիկ կարող էին հեռանալ, հայերի կողմից բացվել էր: Այդ դեպքում ինչու պետք է նրանք կրակեին: Առավել ևս Աղդամի մոտակայքում բավականաչափ ուժեր էին տեղակայված, որոնք կարող էին դուրս գալ և օգնել մարդկանց: Կամ ուղղակի համաձայնության գալ, որպեսզի խաղաղ բնակչությունը հեռանա: Այդպիսի պրակտիկա միշտ գոյություն է ունեցել:

Ինձ անընդհատ ասում էին, որ Խոջալուի բնակիչները դիմանում են, սակայն նրանց պետք է օգնել մարդկանցով, զենքով և սննդամթերքով: Ես կարգադրեցի հասցնել օգնությունը ուղղաթիռներով: Սակայն, ինչպես ինձ էին բացատրում, օդաչուները հրաժարվում էին թռնել այնտեղ, քանի որ նրանց մոտ ստինգերներից փախչելու համար հատուկ սարքավորումներ չկային: Այսպես անցավ մի ամբողջ շաբաթ: Այնտեղ մոտակայքում տեղակայված էր Աղդամի խմբավորումը, որը պետք է հետևեր իրադարձությունների զարգացմանը: Հենց որ ռազմական տեխնիկան պաշարեց Խոջալուն, պետք էր անմիջապես տեղահանել բնակչությանը: Ավելի վաղ ես նման հրաման էի տվել Շուշիի համար՝ տղամարդկանց պահել, իսկ կանանց և երեխաներին տեղահանել: Դա նույնպես պատերազմի օրենքներից է. պետք է փրկել նրանց: Իմ վարքը շատ օբյեկտիվ էր. ես տալիս էի նման հրամաններ, սակայն ինչու այդ հրամանները չկատարեցին Խոջալուում, ես չգիտեմ: Իմիջիայլոց այդ ժամանակահատվածում ես մի քանի անգամ խոսել եմ ԼՂՀ զինված ուժերի ղեկավար Մկրտչյանի հետ: Ես ասում էի. «Դուք հազարավոր մարդկանց եք սպանել: Հնարավորություն տվեք մեզ վերցնել նրանց դիակները»: Սակայն նա պատասխանում էր, որ նրանց մոտ ոչ մի դիակ չկա, այլ կան մեր մարդիկ, որոնց նրանք կերակրում են, չնայած սննդամթերքի սղությանը, և պատրաստ են փոխանակել նրանց իրենց գերիների հետ:

Հարց՝ Երբ Ձեզ տեղյակ պահեցին զոհվածների մասին:

Պատասխան՝ Մի օր հետո, երբ հաղորդեցին, որ Խոջալուում ընդհամենը մի քանի մարդ է զոհվել: Ինֆորմացիան եկավ ներքին գործերի նախարարից:

Հարց՝ Ով է պատասխանատու այդ ինֆորմացիայի համար:

Պատասխան՝ Ինքը նախարարը: Այդ ժամանակ արդեն ստեղծվել էր մամլո ծառայություն նաև պաշտպանության նախարարությունում: Ուղղաթիռի հետ կապված պատմությունից հետո մենք պայմանավորվեցինք, որ ոչ մեկ չի հաղորդի չճշտված ինֆորմացիա:

Հարց՝ Դուք համարում եք, որ վարչապետ Հասան Հասանովը նույնպես պատասխանատվության իր բաժինն ուներ:

Պատասխան՝ Կառավարության ղեկավարը, իհարկե, ամեն ինչի համար պատասխանատու է, չնայած որ նա դրանից հրաժարվում էր, ասելով, որ նա չի զբաղվում նման հարցերով: Սակայն կառավարությունը մնում է կառավարություն:

 

հետ
   
Click to enlarge photos or see source Web Site
     
Nezavisimaya gazeta № 64 (235) 01 апреля 1992
     
  Ходжалы: Хроника невиданного подлога и фальсификаций  
     

ՄԵԿՆԱԲԱՆՈՒԹՅՈՒՆՆԵՐ

 Загрузка...
Xocali.net կայքը ստեղծվել է «Այլատյացության կանխարգելման նախաձեռնության»
կողմից OpenArmenia.com ֆորումի մասնակիցների հետ համագոծակցությամբ:
Rambler's Top100 Goon Каталог сайтов
2010-2015 © Copyright     E-mail: info@xocali.net